126
Diaranson atardi polis a bay e crusada di Dadelstraat cu Caya Papa Juan Pablo ex Rondweg, pa un accidente di trafico.
Manera sa pasa den mayoria caso, e accidentenan cu ta pasa ariba e crusada aki ta pa no duna preferencia.
Un Van bayendo pariba ariba Caya Papa Juan Pablo ta wordo sorprendi, ora cu un auto Pontiac ta subi e crusada for di Dadelstraat.
Den e impacto e Van a spin bay dal contra un palo di luz.
Un Toyota Rav cu tawata pasando e momento ey algun waya lo a cay ariba e auto.
Un persona a resulta levemente herida, y a wordo trata na yegada di ambulance door e Paramedico.