Home » Na Reinado Internacional del Café na Manizales, Colombia: Miss Aruba Hannah Arends ta sali den TOP 3 di Eleccion di Polis

Na Reinado Internacional del Café na Manizales, Colombia: Miss Aruba Hannah Arends ta sali den TOP 3 di Eleccion di Polis

by Admin
0 comment 81 views

ORANJESTAD – Star Promotion Foundation tin e grato placer di comparti e noticia cu ayeranochi Aruba su representante na e certamen Reinado Internacional del Café 2019 Srta. Hannah Arends a sali den e TOP 3 finalistanan di e eleccion unda e cuerpo policial di Manizales ta scohe nan candidata faborita pa e certamen.

Dia 5 di Januari 2019 Hannah a sali rumbo pa Colombia pa competi den e grupo di 22 candidata pa e titulo maximo di Reinado Internacional del Café 2019. Durante full e siman Hannah a participa den diferente parada y desfile cu ta parti di e Feria de Manizales. E certamen ta masha popular na Colombia y ta goza di un cobertura extenso di medionan di comunicashon na Colombia y resto di paisnan Latino.

E enfoke di e certamen ta wordo poni riba e conocemento di koffie, e historia di koffie di cada pais y con e candidata por promove koffie na su pais. Hannah a prepara debidamente pa por comparti y elabora riba cada un di e aspectonan aki na e certamen.

Nos ta keda pendiente pa mas detayes di e participacion di Hannah na Reinado Internacional del Café 2019 di cua e anochi final lo ta dia 12 di Januari 2019. Pabien y exito pa e anochi final pa nos Miss Aruba Hannah Arends!

 

 

You may also like

Our Company

Aruba Native News & Trends. Here to bring you the latest news and trends from our happy island.

Newsletter

Subscribe my Newsletter for more news. Let's stay updated!

Laest News

Copyright @2023 – Aruba Native All Right Reserved. Powered by 139 Design Studio