54
Dia 11 di Juli 2018 Master Eric Barry y Grand Master Marilu de Veer a participa na un curso di referee di Para Taekwondo na Spokane Merca y awo nan ta certifica pa para referee internacional pa Para Taekwondo.
Ambos miembro di ARTBO ta Referee Internacional “IR” pa varios aña caba y nan a para referee na varios evento grandi rond mundo manera Pan Americano, campeonato Mundial, Grand Prix te na G1 y G2 Open.
Master Eric Barry y Grand Master Marilu de Veer a amplia nan conocimento y nan ta cla pa subi e arena di Para Taekwondo. Para Taekwondo ta hopi mas dificil den forma compara cu normal. Aki tin cu midi na base di e persona su abilidad y esfuerso.
ARTBO ta hopi contento cu un otro logro cu Pais Aruba a haña. Mirando cu Aruba ta un isla asina chikito den mundo y tin varios referee cu ta sobre sali den e mundo di Taekwondo. ARTBO ta felicita Master Eric Barry y Grand Master Marilu de Veer.