Home Entertainment Riu Palace Antillas y Riu Palace Aruba a cera aña 2018 cu...

Riu Palace Antillas y Riu Palace Aruba a cera aña 2018 cu pagara di 6 miyon tiro

SHARE

 

 

ORANJESTAD, Aruba – Riu Palace Antillas y Riu Palace Aruba a despedi e ultimo dia di aña 2018 na e forma tradicional cu su huespednan y empleadonan. Hopi persona di comunidad Arubano a bini hunto pa bisa ayo na aña 2018 y disfruta e pagara di 6 miyon tiro di Riu Palace Antillas y Riu Palace Aruba.

 

Empleadonan di RIU Hotel na Aruba a pone e pagara desde Riu Palace Antillas te cu Riu Palace Aruba y gerencia a cende e pagara pa asina yama aña 2018 ayo. A reina un ambiente masha colegial riba e ultimo dia di aña pa den un forma uni corda con henter e aña a bay.

 

Despues di pagara tur hende a desea otro feliz aña nobo y prospero 2019. E famia di Riu Palace Antillas y Riu Palace Aruba a desea cada huesped, comunidad di Aruba un feliz aña nobo y cu tur hende nan soño bira realidad otro aña.

 

RIU Hotels & Resorts a habri Riu Palace Aruba na aña 2007. Debi na e gran exito di su prome hotel na Aruba, e compania a dicidi di adkiri un di dos hotel, habriendo Riu Palace Antillas na aña 2014. Hunto e dos hotelnan aki ta maneha mas o menos 50 mil huesped pa luna, cu un nivel di grado di ocupacion mas halto riba nos isla. Entre e dos hotelnan RIU na Aruba, nan ta emplea riba 800 trahado, brindando huespednan e miho nivel di servicio.