Home » Problema social ariba caya a hala atencion di agentenan policial. Tin hopi pero hopi cos pa drecha socialmente ariba cayanan di Aruba

Problema social ariba caya a hala atencion di agentenan policial. Tin hopi pero hopi cos pa drecha socialmente ariba cayanan di Aruba

by Admin
0 comment 83 views

Plaza 18 di Maart – Lagoen
Diamars atardi polis a haya informacion cu altura di e Plaza 18 di Maart, unda e candela tawata lo tin hende sin paña drumi.

Na yegada di polis pa controla e situacion, berdad ta bin topa un pareha adicto cu ta conoci di nan.
E homber conoci bou e Alias Pastor recientemente un parti di su pia a wordo amputa, door di complicacion.

Na yegada e muhe su carson tawata poco baha, y ela bisa polis door cu ela caba di orina.
Nan no tawata haciendo nada malo directamente, e tawata mas bien manera un buitendag pa nan dos. Parse cu nan sa frecuenta e area basta biaha.

Polisnan sa cu ambos persona tin problema di droga y sa miranan hopi biaha den Rancho unda tin ” abundancia” di droga cu no ta caba nunca.
E pareha aki no ta local, esaki por a capta mesora na e papia.

Segun nan a bisa polis nan ta kedando of bibando un caminda den Sero Patrishi y cu nan a caba y lo ta bayendo bek Sero Patrishi.

Polisnan a mustra e parti humano di nan trabou.
Pa basta rato polis a papia cu nan y a scuchanan.
Segun e muhe e homber cu awor falta un pia tawata mantene, di unda cu ta e tawata yega na placa y yuda e muhe.
Awor cu ela perde pia, e rol a cambia e muhe lo mester busca y haya un trabou pa yuda e homber.

Nan kier drecha nan bida, pero aki na Aruba no ta asina facil. Pesey e homber ta desea di bay biba na Hulanda y cuminsa un bida nobo.

Na final e pareha adicto a aprecia un mundo con polis a tratanan, paso polis por a actua di un otro manera y yega core cu nan. Pero e biaha aki esey no a pasa y ambos banda a scucha otro.

“E parti social ariba cayanan di Aruba tin hopi pero hopi trabou pendiente, mester bin un Opvang Centrum pa hendenan cu tin problema cu droga y no tin un luga di bay.
Asina eynan cu ayudo di expertonan den e Centrum, poco poco lo baha indice di adictonan ariba caya, yudando e personanan aki drenta comunidad bek”.

 

You may also like

Our Company

Aruba Native News & Trends. Here to bring you the latest news and trends from our happy island.

Newsletter

Subscribe my Newsletter for more news. Let's stay updated!

Laest News

Copyright @2023 – Aruba Native All Right Reserved. Powered by 139 Design Studio