Dr. Guaicaipuro Jimenez a entrega Master Alberto Klabér su Certificado di Kukkiwon oficial awe. Kukkiwon a reconoce e scol di Brazil Taekwondo Stichting cu awo ta registra na Kukkiwon Korea. Hunto cu e certificado Alberto Klabér a ricibi su token y badge. Alberto Klabér di Brazil Taekwondo Stichting ta autorisa pa pasa examen pa faha preto te cu 4 Dan di Taekwondo.
Master Alberto Klabér ta train Taekwondo for di dia 1 di November 1985 y despues a sigui na Hulanda cerca Mark van Keulen na SportSchool Nijhoff na Haarlem ora cu Alberto Klabér a bay studia. Alberto Klabér a sigui bou guia di Henk Meijer na Hulanda.
Durante di tur e añanan Alberto Klabér a sigui cu Top Sport na Hulanda y a representa Hulanda pa varios aña y a logra su medaya di Brons na Dinamarca sigui cu medaya di brons na Valencia Venezuela den e weganan Sur Americano y asina por sigui menciona. Asina Alberto Klabér a sigui cu su carera largo y sigur. Na aña 1994 Alberto Klabér a registra Savaneta Taekwondo Stichting cu awe ta Brazil Taekwondo Stichting y a forma atletanan manera, Stuart Smit, Aischal van der Linde, Willy Willems jr. y awe e tin su dos yiunan Jourdé y Zahyon Klabér tras di otro cu ta sigui e pasonan di nan tata hunto cu nan coach oficial Henk Meijer. Alberto Klabér hunto cu Grand Master Chaco Cornelio a drenta Hall of Fame na aña 2013. Alberto Klabér a wordo reconoci pa Mundo Taekwondo pa ta e miho fotografo di mundo den Taekwondo. Esaki a wordo menciona tambe na Argentina door di varios referee y secretaria di Pan American Taekwondo Union “PATU”.
Awe Brazil Taekwondo Stichting ta oficialmente registr
a na Korea como scol y tambe cu Alberto Klabér como instructor pa pasa examen pa faha preto te cu 4 Dan.