Aeropuerto Internacional Reina Beatrix: Diadomingo pa 7.03 di anochi, Central di polis ta wordo notifica cu tin un bommelding na Aeropuerto di Aruba.
Mesora a pone e autoridad competente na altura. Na e momentonan aki no tin hopi informacion.
Aeropuerto ta habri y tur cos ta mustra trankil, paden tin algun agente policial haciendo investigacion.
Algun siman pasa tabata tin un bommelding caba, cu a wordo haci pa un dama hulandes, ela wordo deteni y despues di algun dia a wordo laga den libertad. E mesun dama aki por wordo mira ta cana rond den Centro di Playa, manera un persona cu no tin luga di biba.
Mescos cu algun siman pasa, awe atrobe riba un diadomingo anochi un otro bommelding.
UPDATE: Un meneer di inicial UHG. Boneriano. E tabata di transito aki na Aruba. Rumbo pa Bonaire desde Hulanda cu dos yiu (un menor y un mayor). El a haya cu ta dura mucho largo y a bisa cu e tin un bom y un arma di candela. Meneer deteni y yiunan a sigui pa Bonaire.