128
Acompaña pa un grupo di Dande (Flor di Antaño) y masha hopi simpatisante Mike Eman, lider di partido AVP hunto cu su señora Doina a bishita Casnan di Anciano rond Aruba pa desea tur e habitantenan un bon aña y na mes momento brinda nan un Dande cu a alegra nan grandemente. Esaki ta un custumber di hopi aña caba y semper e acogida ta tremendo. Unda cu e yega lider di partido AVP Mike Eman a wordo ricibi cu brasa habri y cu un curazon contento. E sonrisa riba cara di nos grandinan y esnan cu ta cuida nan, ta riba su mes un regalo grandi pa lider di partido AVP. Banda di e acustumbrado Dande, e agrupacion musical ta toca tambe algun piesa tipico pa sigura un dushi ambiente. Tur hende por mira bek riba un dia exitoso.