Home » Záhyon y Jourdé Klabér ta na winter camp training na Friedrichshafen Alemania hunto cu Henk Meijer.

Záhyon y Jourdé Klabér ta na winter camp training na Friedrichshafen Alemania hunto cu Henk Meijer.

by Admin
0 comment 67 views

 

 
Dia 26 di December e dos rumannan Klabér a biaha pa Hulanda ariba peticion di ex campeon mundial, coach Olimpico y Hall of Famer Henk Meijer pa asina e dos rumannan prepara nan mes pa e eventonan cu tin nan dilanti. Nan a bay Alemania pa participa na un camp training.
 
Nan mester a core 9 ora den auto for di Groningen Hulanda pa Friedrichshafen Alemania pa e camp training cu tin 145 atleta for di 21 Pais ta participa. E camp training ta pa tur esnan cu ta preparando pa eventonan nan dilanti. Na e camp training aki tin entre otro e siguiente atletanan di taya manera: Yassine Trabelsi for di Tunicia cu a sali tercer luga na campeonato mundial y cu a participa na Olimpiada na RIO 2016. Razak Alfaga for di Nigeria campeon mundial y medaya di plata na Olimpiada RIO 2016 y Inese Travida di Latvia kende a gana Brons na campeonato mundial.
 
Markus Kohlöffel cu rango largo di logronan manera; coach Olimpico di Alemania y Sweden. Tur atleta eynan tin un lista largo di logronan. Training ta dos biaha pa dia for di 10’or di mainta pa 12’or di merdia y 5’or di atardi pa 7’or di anochi. Training a cuminsa dia 1 di Januari y lo termina den fin di siman. Otro siman nan lo bolbe Hulanda y training lo sigui pa asina nan prepara pa NK dia 12 di Januari na Den Haag. Nos ta desea e dos rumannan Klabér tur clase di exito na Hulanda.
 

You may also like

Our Company

Aruba Native News & Trends. Here to bring you the latest news and trends from our happy island.

Newsletter

Subscribe my Newsletter for more news. Let's stay updated!

Laest News

Copyright @2023 – Aruba Native All Right Reserved. Powered by 139 Design Studio