Home » Regalo di Pasco TH Palm y FAA cu ayudo directo na famianan

Regalo di Pasco TH Palm y FAA cu ayudo directo na famianan

by Admin
0 comment 54 views

 

 

Un di e retonan mas grandi di cualkier famia ta e gastonan pa paga tratamento pa yiunan den e Spectrum di Trastorno di Autismo, ASD (Autism Spectrum Disorder). Particularmente pasobra te ainda, no tin programa na nivel nacional pa atende cu e retonan individual di cada mucha, cu ta depende di un scala di tratamento pa por desaroya su potencial.

 

Na December, Fundacion Autismo Aruba, FAA, a dicidi pa extende un man na cuatro famia cu ta haciendo esfuerso grandi pa yuda un cinco mucha cu nan tratamento y educacion. Tur ta muchanan cu mester di atencion dirigi pa nan por sigui desaroya. E gesto di contribucion financiero a bira realidad danki na TH Palm.

 

FAA a lanta como un organizacion pa sostene mayornan den e lucha pa trece consientisacion y tambe crea conocemento colectivo riba ASD y con pa yuda individuonan. Tambe a hinca hopi esfuerso den creacion di e Comision Nacional di Autismo pa establece un strategia nacional riba Autismo. Sinembargo, e proceso ta tuma su tempo y e necesidad ta creciendo.

 

Den transcurso di añanan a traha riba consientisacion riba Autismo y ASD y tambe a inverti den seminario y tayernan particularmente pa docentenan cu ta esnan cu ta topa cu e muchanan na scol.

 

TH Palm ta un di e companianan cu a duna sosten financiero na FAA for di principio. Tur aña, e compania ta contribui cu fundacionnan cu ta traha na bienestar di comunidad y FAA ta un di e organisacionnan aki. Ta logra recauda fondo pa medio di benta y e clientenan mes ta scohe cua fundacion nan lo kier pa parti di nan compra lo bay p’e. Pa hopi aña, TH Palm tabata produci un bunita suma di riba AWG 5000 pa FAA. E aña aki no tabata diferente. A logra acumula no menos cu AWG 6293,14.

 

A base di desaroyonan interno y externo, directiva di FAA,a dicidi cu ta bay cuminza duna sosten directo na famianan, basa riba criterianan specifico, segun conseho di terapistanan priva cu ta traha cu nan.

 

You may also like

Our Company

Aruba Native News & Trends. Here to bring you the latest news and trends from our happy island.

Newsletter

Subscribe my Newsletter for more news. Let's stay updated!

Laest News

Copyright @2023 – Aruba Native All Right Reserved. Powered by 139 Design Studio