Eagle Beach – Dialuna marduga bispo di aña nobo un caso lamentabel a keda registra na Eagle Beach.
Tawata algo prome cu 3’or a.m cu polis a haya informacion cu lo a haya un curpa sin bida na Eagle Beach, pa ta exacto unda e autonan ta parkeer anochi.
Na yegada di agentenan nan a confirma esey y a pidi pa autoridadnan concerni. E persona tawata den un auto ora nan a haye.
E procedura normal a cuminsa, esta e cera e area pa investigacion cuminsa. Pa mas o menos 3:45 Dr Texier ta constata morto di Jonathan Alejandro Vizhco Sinchi, naci na Ecuador 21 juni 1988.
Fiscal a laga confisca e curpa.
Segun nos a compronde na e sitio, e cabayero aki lo tin of tawata tin basta problema cu su pareha. Cos a baya asina leu cu polis mester a bay su adres pa intermedia.
Te ainda e caso no ta mustra ariba un crimen, autopsia lo mester determina esey.
Di parti nos medio nos kier a manda palabra di condolencia na e famia.