Home Entertainment Magic FM ta revela e 100 cancionan mas grandi di aña

Magic FM ta revela e 100 cancionan mas grandi di aña

SHARE

ORANJESTAD – Manera tradicion, e aña aki MAGIC FM ta bolbe bek cu su Top 100, cual ta e cancionan mas grandi di aña 2018. E evento radial aki lo tuma luga riba dia 31 di December.

Durante e conteo, lo parti hopi premionan atractivo incluyendo pasashi, placa cash, cahanan di cerbes y te hasta un Samsung S9!  E aña aki e hostnan di e conteo regresivo ta wordo anima pa DJ Reno y DJ Vibez cu desde 9or di mainta lo cuminsa live na studionan di MAGIC FM. Hunto nan lo pasa riba e cancionan cu domina den 2018. Aunke expectativanan ta halto, segun DJ Reno esunnan cu ta sigui MAGIC  su top 40 tur siman, ya caba por tin un idea di cual ta e cancionan cu a acapara mas atencion.

Cu hopi experiencia den mundo di musica, e ta comenta cu e aña aki e genero di reggeaton a sa domina bastante, como tambe hopi hitnan di artista local.

DJ Reno ta comenta cu e ta prepara pa e jornada largo cu su cups di lamoenchi cu honing pa asina e stem no sufri mucho.

Dj Vibez ta bisa cu ainda e no tin ningun ritual estableci, pero e ta bebe su awa si.

Tur dos ta cla pa anima pueblo. Por ultimo, MAGIC FM ta extende un invitacion cordial na pueblo di Aruba pa sintonisa e grandioso conteo regresivo cu MAGIC 96.5 FM.