141
Koningstraat, Oranjestad: Diaranson den oranan di anochi a presenta na Warda di Polis na Oranjestad, un homber di inicial R. ela presenta pa entrega un keho di un intento di robo cu a sosode cu su persona den Koningstraat.
Ela declara cu den oranan di anochi ela wordo ataca pa dos homber cu e intencion di horta su pertenencianan. E homber a bisa polis cu ela resisti fuertemente contra e dos individuonan aki y asina a logra huy for di nan, esaki a sosode den Koningstraat na altura di Manuelito’s Bar.
E cabayero R. a informa autoridad cu ela reconoce e dos hombernan aki, como dos homber venezolano cu ta permaneciendo ilegal riba nos isla y e kier a entrega un keho oficial.