ORANJESTAD – Empleadonan di Riu Palace Anitllas a yega hunto na Emotions y a pasa un anochi yena di ambiente na nan fiesta di Pasco. Empleadonan tabata diberti hopi, unda a baila, combersa y a disfruta di diferente snacks.
Gerencia di Riu Palace Anitllas tabata feliz di a mira su empleadonan contento y cu nan por a pasa un anochi bailando y relaha. A premia esunnan cu a sobresali den nan trabou, unda a saca “Rookie of the year” Miguel Angel Caicedo; “Team player of the year” Edgar Cornet; “Smile of the year” Hainer Yarzagaray; “Employee of the year” Marie Nadine Dorisnia; “Supervisor of the year” Janci Ledert; “Liftime warrior” Leo Tromp.
Pa Riu Palace Antillas e anochi no a termina ainda unda cu a tene un rifa p’ e empleadonan. E ganadonan a gana diferente premio manera television, speaker, laptop, headphones, celular y hopi mas. E fiesta di Pasco tabata un gradicimento na e empleadonan pa nan bon trabou durante henter e aña. Gerencia di Riu Palace Anitllas ta desea tur hende feliz dianan di fiesta.
RIU Hotels & Resorts a habri Riu Palace Aruba na aña 2007. Debi na e gran exito di su prome hotel na Aruba, e compania a dicidi di adkiri un di dos hotel, habriendo Riu Palace Antillas na aña 2014. Hunto e dos hotelnan aki ta maneha mas o menos 50 mil huesped pa luna, cu un nivel di grado di ocupacion mas halto riba nos isla. Entre e dos hotelnan RIU na Aruba, nan ta emplea riba 800 trahado, brindando huespednan e miho nivel di servicio.