Home » Homber cu cuchiu den man tawata menasa di hinca su chick. Patruyanan di varios districto a bay e adres

Homber cu cuchiu den man tawata menasa di hinca su chick. Patruyanan di varios districto a bay e adres

by Admin
0 comment 77 views

Tanki Leendert – Dialuna marduga varios patruya di diferente districto a bay pura un apartamentencomplex na Tanki Leendert. Eynan lo tawata tin un homber cu cuchiu y ta menasando hende.

Un rato despues mas informacion a drenta cu e homber aki lo a pone cuchiu ariba e persona.
Na yegada di patruyanan ta topa cu algun dama Hulandes, cu a contanan kiko lo a pasa y cu e homber di nacionalidad Dominicano a core drenta mondi.

Polisnan a drenta mondi y a busca, pero no ta topa cu e homber. E damanan lo a sigui conta polis cu e homber aki ta core un auto sin plachi number.
Y tambe cu algun tempo atras e tawata envolvi aparentemente den un caso di hincamento, den area di Hot Zone.

Mientras cu nan tawata contando polis tur loke nan tawata sa di e homber, e amiga di nan cu a haya problema cu e homber a sali y desmenti tur cos.
Pues ela nenga cu e homber aki a menase y cu elo tawata tin un cuchiu cune.

Eynan a start un discusion entre e amiganan. Polis a splicanan e camindanan pa cana y bandona e sitio.
Aparentemente nan a bay sigui tira bista rond pa e homber.

 

You may also like

Our Company

Aruba Native News & Trends. Here to bring you the latest news and trends from our happy island.

Newsletter

Subscribe my Newsletter for more news. Let's stay updated!

Laest News

Copyright @2023 – Aruba Native All Right Reserved. Powered by 139 Design Studio