135
Emmastraat/Rudolf Arendsstraat – Dialuna mey anochi polis un biaha mas ta bay e crusada conoci pa accidente, esta Emmastraat cu Rudolf Arendsstraat.
Na yegada polis a constata cu tin dos persona herida y ta pidi pa ambulance.
E auto envolvi ta un BYD.
Segun e ocupantenan, nan lo tawata bayendo direccion zuid ariba e crusada. Dado momento un auto aparentemente a subi nan dilanti for di pabou o sea for di su man drechi.
Pa evita un accidente e chauffeur a maniobra, pero lamentablemente a kita bay na su man robes y dal un cura di cas kibra.
Na yegada di ambulancenan, ambos ocupante a wordo transporta pa hospital.
Segun nos a compronde cu e durante e impacto cu e cura di e cas e Airbag a bula evitando e ocupantenan haya mas golpi.