Home International Venezuela: Edo Falcón Venezuela: Grupo di turista atraca y unda un a...

Venezuela: Edo Falcón Venezuela: Grupo di turista atraca y unda un a wordo tira, caminda pa hospital nan ta accidenta y nan ta muri

SHARE

Chichiriviche Falcón Venezuela: Diadomingo marduga december 23 un incidente horibel y lamentabel a pasa na un area turístico na Edo Falcon, unda un grupo di turista Venezolano mes a wordo atraca.

Segun nos a compronde lo ta trata di un grupo procedente di Caracas y Valencia cu a dicidi di bay pasa e dianan di fiesta otro caminda den nan pais.
Nan a kies Chichiriviche cu ta keda den Edo Falcón, un area norte y no mucho leu di lama.

Lo tawata trata di un famia, cu no tawata sa cu e vakantie lo bay ta nan destino final.

Durante oranan di diadomingo marduga na e residencia Yeisi sector di Sabana Grande Chichiriviche unda nan a bay keda, atracadornan a drenta.
E atracadornan arma a trata na kita tur nan pertenencianan, pero e famia a resisti fuertemente, algo cu semper ta desconseha hende haci durante un atraco.
Y aki ta caminda e nightmare a cuminsa.

Atracadornan decisivo y violento a los tiro heridando un di nan seriamente.

E famia consisti di cuatro persona mesora a subi nan Landcruiser color shinishi direccion hospital.
E grupo di atracadornan tambe a subi auto y a siguinan.

Mas cu claro ambos auto tawata bayendo cu velocidad halto, e famia pa yega hospital door cu un tawata tira y e atracadornan cu tawata kier horta nan pertenencianan.
Dado momento e auto di e atracadornan a dal nan bahando nan den un greppel, haciendo cu nan a accidenta causando morto di tres di nan.

Esnan cu a fayece ta dos ruman homber(nan tin mesun fam) uno di 31 aña y uno di 39 aña, y e ultimo ta un señora di 58 aña.
E unico sobreviviente ta un homber di 37 aña cu a wordo hiba hospital cu urgencia.

Despues di e accidente e atracadornan a baha y hortanan asina mes, pa despues bandona e sitio.