Un dama levemente herida den accidente di auto ariba crusada Zoutmanstraat cu Caya Ernesto Harms

Zoutmanstraat/ Caya Ernesto Harms
Diasabra atardi polis y ambulance a bay e crusada di Zoutmanstraat altura di Lagoen.

Eynan un accidente di trafico a sosode y tawata tin un persona herida.
Na yegada di polis di trafico e ta haya un Toyota Yaris y un Suzuki Ignis ambos ariba e crusada.

Un dama na stuur di Yaris no tawata reacciona y pa e motibo ey a pidi ambulance cu poco mas urgencia.
Na e sitio nos a compronde cu e Ignis a subi e crusada sin duna preferencia. Ela dal net unda e chauffeur ta sinta.

E dama cu ta chauffeur di e Yaris kizas pa motibo di susto of e mesun golpi duro inespera a bay for di tino. Pero lo bay ta ok segun nos a compronde.

Paramediconan a hibe hospital pa mas observacion.