Home » Rocco Tjon: Fraccion di MEP ta satisfecho cu trabounan desplega den 2018.

Rocco Tjon: Fraccion di MEP ta satisfecho cu trabounan desplega den 2018.

by Admin
0 comment 51 views

Durante 2018 Parlamento a trata 11 ley y fraccion di MEP a entrega 3 ley di iniciativa. Esaki banda di tur e reunionnan den e diferente comishonnan fiho pa keda na altura di e maneho di Gobierno.

REUNIONNAN PUBLICO

Parlamento a trata presupuesto 2018, presupuesto supletorio 2018 y presupuesto 2019 e aña aki. Otro leynan cu a wordo trata ta e fondo pa e Crisisplan Social, ortografia di Papiamento, cuenta anual 2016 y e reforma fiscal.

 

Otro reunionnan publico hopi importante tawata relaciona cu seguridad na nos frontera y e situacion di Venezuela. Tambe pa prome biaha den historia Gobierno a bin Parlamento y atraves di cifranan splica con nan ta ehecuta e Presupuesto aproba. Esaki, entre otro, a conduci cu pa prome biaha nos a conoce un presupuesto supletorio “budget-neutraal”.

 

TRABOUNAN DEN 2019

Na comienso di 2019 lo keda cla cu e contestanan riba e rapport di Raad van Advies, pa asina por trata e ley di financiamento di partidonan politico, Screening di Ministers  y ley di identificacion. Banda di esaki ta premira tambe cu lo caba cu e ley di iniciativa pa loke ta un autoridad riba e mercado financiero y e “meldcode” pa abuso en general.

 

MENSAHE PA FIN DI AÑA

Nos ta den temporada di harmonia, union y paz. No laga nos diferencia politico causa desunion y destruccion. Den 2019 na bienestar di nos dushi Aruba, laga nos hiba un politica constructivo, skerpi pero al caso y uno ehemplar.

 

BON DESEONAN PA PUEBLO

Den nomber di fraccion di MEP, mi kier desea henter pueblo di Aruba felis dianan di fiesta yena cu amor y un prospero aña 2019.

You may also like

Our Company

Aruba Native News & Trends. Here to bring you the latest news and trends from our happy island.

Newsletter

Subscribe my Newsletter for more news. Let's stay updated!

Laest News

Copyright @2023 – Aruba Native All Right Reserved. Powered by 139 Design Studio