Home Police Resumen di casonan den Corte di Prome Instancia riba 11 januari 2019

Resumen di casonan den Corte di Prome Instancia riba 11 januari 2019

Oranjestad – Aruba

Corte di Prome Instancia 11 januari 2019
Horario
Sospechoso
Acto Castigabel
08.30
C.F.F.
Pro forma. F. ta wordo acusa di un delito sexual den e periodo di 16 di mei 2011 te 15 di mei 2013 contra un persona cu no tabatin 12 aña ainda.
E ta wordo acusa di un delito sexual den e periodo di 26 di april 2010 te 25 di april 2015 contra un di dos persona, cu e tempo ey no tabatin 16 aña ainda.
08.30
R.A.S.d.R.
Pro forma. S.d.R. ta wordo acusa di kiebro y ladronicia den un cas na Seroe Biento di propiedadnan di un persona riba 9 di augustus 2018.
Tambe e ta wordo acusa di kiebro y ladronicia den un cas na L.G. Smithboulevard di pertenencianan di un turista riba prome di juli 2018.
Di kiebro y ladronicia den un cas na Safir di dos laptop y/of un telefon y/of un iPad y/of un Go Pro y mas propiedadnan di un y/of cuater persona, tur di nan turista riba nos isla, den e periodo di 9 di juli 2018 pa 2 di augustus 2018.
E ta wordo acusa di kiebro y ladronicia den un cas na L.G. Smithboulevard di cantidad di pertenencia di un y/of siete turista den e periodo di 3 di augustus 2018 te 17 di september 2018.
Di kiebro y ladronicia den un cas na L.G. Smithboulevard di propiedadan di un y/of ocho turista den e periodo di 18 di juli 2018 te 4 di augustus 2018.
E ta wordo acusa di kiebro y ladronicia den un cas na Opal di un telefon y/of un bril di solo y paspoort y/of un par di sapato di un y/of dos turista den e periodo di 11 pa 12 di augustus 2018.
E ta wordo acusa di ladronicia den un cas na Opal di propiedadnan di un persona riba 14 di september 2018.
Tur esaki conhuntamente cu un of mas otro persona.
08.30
M.J.C.
C. ta wordo acusa di a tira gasolin riba persona y a bay riba dje cu un lighter riba 21 di september 2018.
E ta wordo acusa di a maltrata e mes persona aki riba 21 di september 2018 dor di dal e varios biaha cu mokete y cu wanta na su cara y curpa.
09.00
N.A.M.V.
M.V. ta wordo acusa di a maltrata su dos yiunan den e periodo di juni 2009 pa april 2018 dor di maltrata nan cu mokete y/of armanan (faha, taki di mata y/of slof).
E ta wordo acusa di a comete actonan sexual contra un persona bao 16 aña den e periodo di 10 di juni 1996 te 9 di juni 2004.
E ta wordo acusa di a comete actonan sexual contra un otro persona bao 16 aña di edad den e periodo di 11 di juni 2002 pa 10 di juni 2004.
09.45
J.A.S.O.
S.O. ta wordo acusa di falsificacion y intento di estafa riba 25 di juni 2018.
10.15
J.A.V.L.
V.L. ta wordo acusa di, conhuntamente cu un otro of otronan, ladronicia cu violencia den un supermarket riba 21 di maart 2018 di cen y/of un tas di muher y/of un cadena di oro cu tabata pertenece na un y/of tres persona. E violencia a encera cu V.L. y e otronan a drenta e supermercado cu cara tapa y arma di candela y a pone arma riba curpa di un di e personanan y a bise: “Duna mi e placa”.
Tambe cu a pone arma riba un otro persona y a ranca su tas y su cadena y cu a pone arma riba pecho di e di tres persona y a bise: “Bo move mi ta mata bo”.
E ta wordo acusa di, conhuntamente cu un otro of otronan, ladronicia cu violencia den un supermercado riba 23 di maart 2018 di cen cu tabata pertenece na un y/of dos persona. E violencia a encera V.L. a drenta e supermarket cu cara tapa y arma di candela den man y a punta e arma riba e personanan den e tienda.
V.L. ta wordo acusa di posesion di arma di candela riba 21 di maart 2018 y 23 di maart 2018 y 14 di mei 2018.
Ademas V.L. ta wordo acusa, conhuntamente cu un otro of otronan, ladronicia cu violencia riba 14 di mei 2018 di un tas cu telefon y un boshi di yabi cu tabata pertenece na un y/of tres persona. E violencia a encera cu a menaza e personanan cu arma y/of a pusha e arma cu forza contra pecho di un di nan y/of a dal e varios biaha cu e cabo di e arma na su cabez y/of a tene un otro persona cu forza y a oblige pa drumi abao y/of a tene e arma na cabez di e di tres persona.

11.30
G.G.R.S.
R.S. ta wordo acusa di tabatin placa den su poder riba 14 di mei 2018 di cual e tabata sa cu e tabata procedente di crimen.
R.S. ta wordo acusa di ladronicia cu violencia di telefon di un persona riba 16 di mei 2018. E violencia a encera cu el a bay cu cuchio riba e persona y a bise: “Duna mi bo celular”.