Parlamentario Endy Croes den Parlamento durante tratamento di presupuesto di Minister Presidente Sra. Evelyn Wever Croes, Minister di Asunto General, Integridad, Innovacion y Energia. Durante e reunion publico Parlamentario Endy Croes a splica na inicio cu pueblo a bira lomba pa AVP durante ultimo eleccion castigando nan cu mas di 10000 voto. Esaki ta confirma cu pueblo no a aproba e maneho di Mike Eman y AVP.
Croes a sigui splica cu AVP a causa un desaster financiero. E desaster aki e Coalicion nobo a hereda. Mike Eman a permiti su dos ministernan di Finansas, tanto Mike De Meza y Angel Bermudes pa masacra finanzas di pais Aruba. Desde Status Aparte Aruba a conoce un debe di 2 Biyon desde 1986 pa 2009. AVP sin embargo desde 2010 pa 2017 a mas cu redobla esaki unda e debe di Pais a alcansa 4.2 Biyon. esta mas di 4000 mil Miyon den apenas 8 aña di AVP y Mike Eman. Consecuentemente Aruba awe mester paga 219 Miyon florin solamente na interes cual ta mas di 600 mil florin pa cada dia.
Proyectonan PPP a acumula unda pa 20 aña largo mester paga un suma di 80.7 miyon pa aña pa resolve e compromisonan cu AVP y Mike Eman a hinca Aruba aden. Ex minister Benny Sevinger a bay un destaho pa Watty Vos Boulevard unda a participa alaves un compania amigo di gobierno anterior esta “berde di mes” , unda actualmente den 2018 e gobierno aki ta ricibi un cobranza di 1 MIYON florin door di e compania cu a perde e destaho.
Pues te hasta aki e mafiosonan di AVP a percura pa pone Aruba den un spot debil unda Pais Aruba mester paga 1 miyon na un compania cu a perde un destaho. Het kan verkeren. Apesar di e actonan bochornoso di AVP y e retonan grandi y dificil e Coalicion aki ta trahando cu hopi amor pa asina logra rescata Aruba creando e speransa bek pa henter nos comunidad. Parlamentario Croes ta finalisa pidiendo pueblo un compromiso pa hamas duna AVP e oportunidad pa bin na poder pasobra nan a mustra claramente cu hechonan cu nan ta abusa di un poder presta na nan enduedando nos pais na un forma inhusto.