Home Police Habitantenan di un cas na Safir a yama polis, pa un homber...

Habitantenan di un cas na Safir a yama polis, pa un homber sumamente agresivo cu tawata cometiendo destruccion den nan cas

SHARE

Safir, Noord: Diamars pa mas o menos 9’or y mey di anochi, presencia di polis a wordo pidi pa bay atende cu un persona bastante agresivo, aparentemente e tawata kibrando tur articulo den un cas.

Na momento cu Polis a yega na e cas na Safit, nan a bin encontra e homber den un estado basta altera y agresivo y nan a nota cu e ta keda comete destruccion den e cas.

E agentenan na e sitio a tuma e decision pa pidi refuerso di mas colega, mirando cu nan tawata tin mester ayudo pa controla y domina e cabayero agresivo aki. Informacion cu nan a ricibi di habitantenan di e cas, ta indica cu e persona aki lo tawata bou di influencia di un of otro substancia. No tabata conoci ki substancia exacto lo tawata trata di dje.

E cabayero aki lo a bin na e cas, busca problema, anto a dicidi di cuminsa comete destruccion den e cas. E habitantenan cu no por a controla e situacion a hayanan obliga di a pidi asistencia Policial. E problema a stop manera cu Polis a logra controla y a gara e homber agresivo aki. E cabayero a keda deteni y a wordo transporta pa warda di Shaba den Dogcatcher.