Home Police Accident entre auto cu brommer na San Miguel, motociclista a keda seriamente...

Accident entre auto cu brommer na San Miguel, motociclista a keda seriamente herida

SHARE

San Miguel – Diaranson anochi pa mas o menos 7’or polis y tambe ambulance cuminsa bay San Miguel, pa un accidente serio entre brommer y auto.

E accidente a tuma lugar na altura di Dollar Car Rental. Con exactamente e accidente a sosode no ta conoci y ta den man di polisnan di trafico cu a yega na e sitio.

Na yegada polis ta topa cu e motociclista benta ariba caminda, e brommer tawata un poco mas leu. E vehiculo cu tawata envolvi despues di e impacto a sigui core y a bay dal contra un palo di luz. Elmar a wordo avisa mirando cu e palo di luz a cuminsa saca basta chispa.

Mesora a pidi pa presencia di ambulance cu hopi urgencia, e paramediconan a yega hopi liher na e sitio y a mira cu e motociclista ta seriamente herida, no a perde tempo y mesora a prepar’e y transport’e cu hopi urgencia pa hospital.
Por a mira e motociclista den un posicion no normal drumi , indicando un posibel trauma na su heup.

Mirando e seriedad di e accidente, e agentenan na e sitio a pidi presencia di departamento tecnico di polis.