75
Noord: Dialuna den oranan di anochi, patruyanan di Noord a bay cu urgencia na un adres na Sabana Liber despues cu un mucha a yama polis y hopi spanta a bisa polis cu su tata ta batiendo su mama.
Den tur e gritamento polis a tuma adres robes y na yegada na e adres aki no tabata tin niu bringamento, despues di un rato nan a haya e adres corecto y enberdad nan a topa cu e pareha cu tabata bringando.
Na yegada nan a bin topa cu un homber basta bou influencia y kende tabata terorisando henter su famia den cas, henter e famia tabata den susto, mirando kiko tur e homber di cas tabata haciendo.
Polis mesora a detene e homber, e homber por a rebeldia den e cas pero despues di a keda deteni, polis mester a yude cana bay y hinke den e transportwagen di polis y asina transport’e pa warda di polis na Shaba caminda elo a haya un cuarto gratis te ora e calma y bin bek na tino.