Home » Empleadonan di Sbarro a celebra encuentro di Pasco

Empleadonan di Sbarro a celebra encuentro di Pasco

by Admin
0 comment 53 views

 

Esaki ta e temporada cu companianan ta organisa evento pa trece empleadonan hunto y sinti e ambiente y esfera di Pasco y fin di aña. Sbarro tambe ta sigui e tradicion aki di Aruba.

Diabierna ultimo gerencia di Sbarrio a organisa e Cena di Pasco pa tur su empleadonan y esaki a tuma luga na Tierra del Sol. Tur empleadonan a bini hunto pa pasa un momento ameno y agradabel, compartiendo manera e sentimento y mensahe di fin di aña ta crea.

Tabata un momento sumamente agradabel pasobra den un solo sitio tabatin empleadonan di e tres filianan di Sbarro (di La Cabana, di aeropuerto y di Hacienda Mall). Un hecho cu no tur ora ta sucede mirando e servicio cu nan tin brinda di forma casi continuo na comunidad y bishitantenan for di exterior. P’esey e cena di Pasco aki tabatin su toke mas special.  

Gerencia di tur e tres Sbarronan a combersa y intercambia di idea cu staff y personal, a expresa na nan e aprecio pa nan aporte na e frankicia aki, cu a haci cu ainda nan ta na Aruba desde cu nan a wordo funda.

Como gesto di aprecio y gratitud pa nan lealtad, durante e encuentro aki, combina cu dushi cuminda, a rifa diferente premio bou di e trahadonan y tin cu hasta a gana “weekend stay”.

Na final di anochi gerencia a expresa e deseo di por sigui conta cu nan apoyo pa e compania Sbarro sigui crece na Aruba, y a desea nan feliz dianan di fiesta y cu 2019 por trece hopi salud y prosperidad pa nan hunto cu nan famia y pueblo di Aruba en general. 

 

You may also like

Our Company

Aruba Native News & Trends. Here to bring you the latest news and trends from our happy island.

Newsletter

Subscribe my Newsletter for more news. Let's stay updated!

Laest News

Copyright @2023 – Aruba Native All Right Reserved. Powered by 139 Design Studio