Den un ambiente placentero
ORANJESTAD, Aruba: Empleadonan di Riu Palace Aruba a yega hunto y a pasa un anochi dushi unda a tene nan fiesta di Pasco. Tur empleado a gosa di e anochi combersando, bailando y disfrutando di e buffet di diferente snacks. Tur hende a mustra nan felicidad na e ocasion special aki cu sonrisa grandi na nan cara.
Empleadonan a gosa di e dushi musica, mientras tur tabata saca potret y creando recuerdonan entre coleganan. Gerencia di Riu Palace Aruba tabata contento y orguyoso di por a mira esey, pasobra nan sa cu e empleadonan merece pa disfruta nan mes despues di a traha oranan largo pa sirbi e bishitantenan di RIU.
E anochi aki a saca esunnan cu a sobresali durante henter e aña y tambe e departamentonan cu a destaca, unda cu nan a ricibi un plakkaat pa nan bon trabou. P’e premio di Esfuerso y Dedicacion a bay pa e departamento di housekeeping; E premio di “papeleton del año” tabata un empate entre dos team, e team di animacion y recepcion; supervisor di aña Genoveva Gonzales di recepcion; assistent manager di aña Pedro Goyburo; manager di aña Henry Camacho; empleado di aña Enrique Vasquez. A tene un rifa bou di e empleadonan, kendenan a gana diferente premio manera television, speaker, laptop, headphones, celular y hopi mas.
P’e Gerencia di Hotel, pa organisa e fiesta aki tabata un oportunidad pa gradici nan empleadonan p’e bon trabou y tambe ta balora nan esfuerso. Riu Palace Aruba ta desea cada un empleado, cada ciudadano di Aruba y turistanan un feliz dianan di fiesta.
RIU Hotels & Resorts a habri Riu Palace Aruba na aña 2007. Debi na e gran exito di su prome hotel na Aruba, e compania a dicidi di adkiri un di dos hotel, habriendo Riu Palace Antillas na aña 2014. Hunto e dos hotelnan aki ta maneha mas o menos 50 mil huesped pa luna, cu un nivel di grado di ocupacion mas halto riba nos isla. Entre e dos hotelnan RIU na Aruba, nan ta emplea riba 800 trahado, brindando huespednan e miho nivel di servicio.