Parlamentario di POR, Alan Howell ta hopi contento di mira cu despues di hopi tardansa cu reconstruccion y mudamento di Biblioteca di San Nicolas, porfin a keda cla.
Howell pa hopi luna a sigui e desaroyo di e Biblioteca na San Nicolas y a acerca e ministernan concerni pa logra pa e biblioteca aki por a habri su portanan finalmente na bienestar no solamente di hubentud, pero di tur esnan cu ta biba pariba di brug.
Awo e por mira cu satisfaccion cu e mudamento a keda cla y su portanan ta habri pa pueblo for di 8or di mainta te 5or di atardi.
Parlamentario Howell a indica tambe cu pronto Biblioteca San Nicolas lo ta habriendo su portanan den oranan di anochi tambe pa uzo di henter comunidad y a conclui bisando “mi lo sigui traha duro pa bienestar di mi pais Aruba y muy especialmente San Nicolas”.