Ministerio Publico a cera e investigacion di un incidente cu a tuma lugar riba 3 di juni 2017 na Boegoeroei, den cual un agente policial y un ciudadano a fayece. E incidente mortal a wordo investiga dor di Landsrecherche. Fiscal di husticia a pone e famia di e fayecidonan na haltura di e conclusionnan di e investigacion. Ademas fiscal di husticia a informa e sospechoso tocante e decision tuma.
E dia en cuestion dos agente di Cuerpo Policial di Aruba a reacciona riba un melding. Ora nan a yega na e sitio, un persona a ataca un di e agentenan policial, y el a fayece. Su colega a haye obliga pa tira cu su arma di servicio riba e persona, kende tambe a fayece.
Fiscal di husticia a yega na conclusion cu e polis a haci uso legitimo di su arma di servicio. El a actua den defensa propio. E agente policial lo no wordo persigui y Ministerio Publico lo suspende e caso contra dje.
Normalmente e persona cu a ataca y a tuma bida di e agente policial, lo a wordo persigui pa husticia. Sinembargo, como cu e tambe a fayece, esey no ta posible.
Alto comisario di Polis a wordo poni na haltura di e decision tuma pa fiscal di husticia.