Home » Parlamentario Endy Croes: Mientras Parlamento ta tratando presupuesto 2019, Benny Sevinger ta verf Cas di partido preparando pa nan concierto di Fracaso y Dowers ta shop

Parlamentario Endy Croes: Mientras Parlamento ta tratando presupuesto 2019, Benny Sevinger ta verf Cas di partido preparando pa nan concierto di Fracaso y Dowers ta shop

by Admin
0 comment 85 views

 

Parlamentario Endy Croes ta indigna pa mira con ex Ministernan cu a “horta “ y corumpi e pais aki ta burla publicamente di nos leynan constitucional manera hendenan sin gevoel. Desde dialuna siman pasa pa ta exacto 10 di december Parlamento a cuminsa trata diferente ley unda tur dia ta reuni desde mainta 8’or te den oranan laat di anochi. Berdad tabata tin dia cu reunion a termina te 1.30 di mainta. Parlamentarionan mester bay cas y prepara pa cuminsa 8’or bek e siguiente dia. Sinembargo henter aña Parlamentarionan di Coalicion ta bin ta reclamando e sistema di comportacion di Parlamentarionan di AVP. Benny Sevinger, Arthur Dowers, Mike De Meza, Michael Lampe, Jennifer Reyes, Robert Candelaria, Richard Arends ta esnan cu ta pertenece na e Parlamentarionan cu nunca ta na pia di trabao pero ta cobra mescos cu esnan cu semper si ta traha. Parlamentarionan di AVP momento cu tin reunion publico algun di nan ta atende y por lo demas nan ta duna conferencia di prensa 2 bes pa siman for di cas di partido.

Djaca den trampa
Diabierna ultimo si awa a pasa hariña. E instancia di mas halto di Pais Aruba, esta Parlamento di Aruba tabata tratando presupuesto di Minister Dangui Oduber kende tin 3 cartera hopi pisa y pues Parlamento tabata oranan largo debatiendo unda por a tuma nota cu AVP atrobe falta diferente Parlamentario. Den sala e noticia tabata core cu Benny Sevinger no t’ey como cu e ta sufriendo un kebrante di salud. Pero durante oranan di merdia por a tuma nota di un potret cu a circula riba Facebook unda nan a gara Benny manera djaca den trampa ta verf na cas di partido preparando pa nan concierto di speranza of kisas di fracaso. Dowers kende tampoco a bay traha diabierna a wordo gara ta shop pa Pasco. Pueblo di Aruba tabatin e expectativa cu nan a deposita nan voto brindando confiansa na Palamentarionan pa representa nan dignamente den Parlamento haciendo pregunta y controla gobierno. Pues Parlamentarionan lo ta e bos, e wowo y e orea di Pueblo. Sinembargo awor por mira con AVP a tuma su votadornan haci.

Confronta cu e berdad
Mike Eman cu mas di 7000 voto bibando lekker den su penthouse y a bira lomba pa su votadornan. Benny Sevinger kende a corumpi henter e sistema di tereno unda algun hende a bira miyonario, awe kier burla di Parlamento y ta scoge pa bay verf cas di partido enbes di acudi na reunion publico. Dowers no ta show up na trabao y por tuma nota cu e tabata shop gastando placa di pueblo cual awor ta wordo saca poco poco. Michael Lampe kende si a bin trabao diabierna parti mainta ya tra’i merdia mester a bay toca cu su grupo di musica, esta Data Panic y no a regresa trabao mas. Algun di e otronan cu a keda, pa 8’or di anochi a dicidi cu nan ta bandona reunion momento cu a confronta nan cu e berdad di nan coleganan kendenan nunca no t’ey. Endy Croes a splica di lo papia cu Griffier y trata cueste loke cueste pa trece cambio den ley y e sistema di ‘no work no pay’ pa asina caba cu e ladronicia di Parlamentarionan di AVP kendenan no ta bin trabao pero fin di luna ta cobra igual cu esnan cu si ta traha. Esaki no ta husto, Croes ta termina bisando.

 

 

You may also like

Our Company

Aruba Native News & Trends. Here to bring you the latest news and trends from our happy island.

Newsletter

Subscribe my Newsletter for more news. Let's stay updated!

Laest News

Copyright @2023 – Aruba Native All Right Reserved. Powered by 139 Design Studio