Home Police Velocidad halto lo a causa cu chauffeur a perde control ariba su...

Velocidad halto lo a causa cu chauffeur a perde control ariba su vehiculo na Tanki Flip

Hato – Diadomingo atardi un poco mas pabou di rotonde Tanki Flip un Toyota a perde control y bay cay den e greppel. Polis e momento ey a wordo manda cu urgencia, mirando cu lo tin hende herida.

Na yegada polis ta topa algun personal di Kazerne di Brandweer, cu mesora a sali pa mira cu kiko nan lo por a yuda.
Menos mal no tawata tin hende herida, manera a wordo bisa na cuminsamento.
Segun testigo e Toyota tawata biniendo for di pariba cu velocidad hopi halto, y diripiente e chauffeur ta perde control ariba e auto y lo a bolter 2 biaha.
Pa na final keda benta den e greppel cara pariba.
Polis a cera e rotonde pa takelwagen por a traha y saca e auto for di e greppel.