Steunpunt di Kustwacht na Aruba a haya 4 Metal Sharks

 Savaneta: Diahuebs mainta e cuater Metal Sharksnan a yega Aruba, nan a wordo transporta pa Savaneta Kemp unda e steunpunt di Kustwacht Aruba ta situa.

Pronto nan lo wordo desempaketa y dje lo cuminsa poco poco train cu nan pa pone nan den servicio.

E Metal Sharksnan lo bay remplaza e SuperRhibnan, esaki ta pa yuda Kustwacht durante patruya den nos awa pa cualke eventualidad cu lo por presenta.

Kustwacht ta patruya den nos awanan y sa ta topa cu botonan cu ta drenta nos awanan teritorial cu menos bon intencion, cu por ta transportando hende ilegamente, of ta transporta cosnan prohibi manera arma of droga, animalnan etc.. No ta tur ora e botonan aki ta respeta ordo di kustwacht y te hasta sa resisti. Pa e motibo aki Kustwacht mester ta bon prepara y asina trata na combati ilegalidad den nos awanan teritorial.