Home » Parlamentario Michael Lampe (AVP): Tur Parlamentario mester ta critico riba Gobierno Hopi pregunta riba Begrotingfonds riba plan di crisis social

Parlamentario Michael Lampe (AVP): Tur Parlamentario mester ta critico riba Gobierno Hopi pregunta riba Begrotingfonds riba plan di crisis social

by Admin
0 comment 55 views

 

 

ORANJESTAD, Aruba – Den Parlamento a cuminsa cu e reunion di presupuesto y e biaha aki a trata riba e begrotingfonds di e plan pa crisis social y Minister di Asuntonan Social, Glenbert Croes, tabata presente pa esaki. Parlamentario di Fraccion di AVP, Michael Lampe, ta di opinion cu nan tur mester ta critico riba decisionnan cu Gobierno actual, pero tambe pa ta critico riba e maneho y plannan cu tin.

 

Aworaki no ta na su luga pa punta dede pa bisa ken ta mas critico cu otro, pero Parlamentario Lampe ta kere cu oposicion tambe mester ta critico na bienestar di muchanan. Tambe pa nan ta critico na bienestar di Aruba y esaki ta algo cu ta necesario pa asina por traha como Parlamento den un forma profesional, pero tambe den un forma cu por yuda e bienestar di Aruba.

 

Parlamentario Lampe haci difente pregunta na Minister Croes riba begrotingsfonds, cual un di nan tabata si e mandatario tin un plan pa midi efectonan di e decisionnan cu e gobierno actual. Tambe e efectonan di e area social, cual ta un area cu por mira huristicamente cu por tin hopi factor cu lo tin efecto riba esaki. Kier sa si den futuro of con cercano tin un plan cu lo bay midi efectonan tanto positivo como negativo cu tin den e decisionnan cu e gobierno ta tumando den nan beleid y presenta esaki den Parlamento.

 

Tambe si tin plan pa mehoracion di data p’e casonan cu tin den diferente area. Hopi biaha ta papia den Parlamento riba emocionnan y aspectonan di opinion, di scucha den diferente area. Ta importante pa keda enfoca riba e area di crea mas posibilidad pa tin datonan, pa tin cifranan. Asina por tuma decisionnan a base di cifra y no solamente a base di emocion so, a base di plannan politico na beneficio un biaha mas di e sector. Ta importante pa sa si ta bay tin plannan unda cu por tuma decisionnan den futuro tambe, mas y mas riba dato y efecto.

 

Den punto 2 di Raad van Advies ta poni “defineer duidelijk welke deel van het csocial crisisplan als crisis bekernmerkt dient te worden en brengen prioritering in het maatregeling aangenomen om crisis aan te pakken”, y kico ta e definicion cu minister tin p’e plan di crisis. Specialmente defini cua parti di dje cu mester duna prioridad na dje. Ta interesante pa scucha minister su comentario y vision riba esaki, unda cu Parlamentarionan por sa mas di e punto aki. Parlamentario Lampe kier sa si ta trahando riba e punto 3 cu ta “een duidelijk implementatie plan” cu e magnismo di coordinacion p’e plan di crisis.

 

E punto aki ta hopi importante na momento cu papia di un begrotingfonds. Fraccion di AVP kier pa minister duna un claridad riba esaki si ta trahando riba e plan of si e ta bin ainda, incluso kico ta e aanpak pa esaki. Un otro punto importante p’e Parlamentario ta pa sa si e minister tin intencion di duna cuenta riba un base regular con ta bayendo cu implementacion di esaki, con ta aloca e fondonan, kico ta e cifranan cu tin, e datonan cu tin mientras cu e procesonan aki ta canando.

 

FIN

You may also like

Our Company

Aruba Native News & Trends. Here to bring you the latest news and trends from our happy island.

Newsletter

Subscribe my Newsletter for more news. Let's stay updated!

Laest News

Copyright @2023 – Aruba Native All Right Reserved. Powered by 139 Design Studio