Home » Minister Chris Romero a celebra Cena di Pasco hunto cu e team di Brazil Taekwondo Stichting

Minister Chris Romero a celebra Cena di Pasco hunto cu e team di Brazil Taekwondo Stichting

by Admin
0 comment 53 views
 
Diamars ultimo Brazil Taekwondo Stichting a celebra nan Cena di Pasco den precencia di Minister Chris Romero. E team di “Train Hard Fight Smart” tabata super contento di por a celebra nan Cena di Pasco hunto cu Minister Chris Romero kende a tuma parti di su tempo pa asisti na e Cena di Pasco di e team di “Train Hard Fight Smart” den Centro di Bario Brazil. 
 
For di momento cu Minister Chris Romero a drenta Centro di Bario Brazil, Alberto Klabér a bise cu e tin un sorpresa pa su persona. Minister Chris Romero a hiba bunita palabra di eulogio na e team pa tur nan logronan cu nan ta logrando internacionalmente. Minister Chris Romero a felicita prensa presente pa nan apoyo y pa nan trabou cu nan ta haciendo. Alberto Klabér a presenta Minister Chris Romero e team di Cadet cu ta preparando pa e di 8 TK5 na Surinam. Aruba tin 7 aña consecutivo ta gana e copa na Surinam. Minister Chris Romero tabata hopi contento di por a topa cu e team di cerca y a saca potret hunto cu e team.
 
Despues di e slide show di Brazil Taekwondo Stichting traha door di Ivan Jansen di Noord Taekwondo Center, Alberto Klabér a yama Minister Chris Romero pa dilanti y Willy Willems a splica mas di e metanan di Brazil Taekwondo Stichting y a entrege e potret cu a wordo saca e anochi ey mes hunto cu e team door di Alberto Klabér.
 
Minister Chris Romero a keda masha sorprendi di con lihe esaki a wordo haci. Willy Willems a bise cu Brazil Taekwondo Stichting kier a entrege e sorpresa unico aki pa su sosten y su presencia na e Cena di Pasco di Brazil Taekwondo Stichting, pasobra esaki ta prome biaha cu un Minister a celebra Cena di Pasco hunto cu Brazil Taekwondo Stichting. Na final di e anochi a laga Minister Chris Romero haci entrega di un premio na Záhyon Klabér kende a sali atleta di aña 2018.    

You may also like

Our Company

Aruba Native News & Trends. Here to bring you the latest news and trends from our happy island.

Newsletter

Subscribe my Newsletter for more news. Let's stay updated!

Laest News

Copyright @2023 – Aruba Native All Right Reserved. Powered by 139 Design Studio