Home » Reuniendo Antias i Caribe den solidaridat.

Reuniendo Antias i Caribe den solidaridat.

by Admin
0 comment 66 views

Fundashon Nos ke Boneiru bek ta satisfecho  ku e reakshon di e Pueblo di Boneiru durante Simposio titula “Futuro politiko i derecho di outodeterminashon di Caribe 3

Djasabra ultimo Fundashon NKBB un biaha mas a tene un simposio publiko riba plasa Wilhelmina, pa sigui informa i konsientisa e pueblo di Boneiru di nan derechonan ku kada dia ta ser mas i mas mina pa e gobiernu Hulandes ku poko poko,  pero sigur, ta tumando Boneiru over.

NKBB su lucha awor ta dirigi pa pone Boneiru bek riba e lista di Nashonnan UNI di paisnan ku no tin propio gobernashon

 

Loke tabata hopi interesante tabata e diferente diskursonan ku a keda presenta pa oradornan for di Korsou, Sint Eustatius, Puerto Rico, Arkipelago di San Andres/ Providensia.

 

Di Korsou sr Rene Rosalia di Movementu Kousa Prome, a splika na manera hopi kla ku e derecho di outodeterminashon ta un derechi ku ni politikonan I sigur no Hulanda por kita for di e Pueblo.

Sr Disrael Orphelin, tambe di Korsou, pa Movementu Pueblo Soberano, a sakudi e oudiensia ku  splikashon bon dokumenta di kon Hulanda atravez di 65 anja a sa di engana tantu pueblo di Antias, politikonan i komunidat internashonal, dor di presenta un Statut na NU, ku ta kontra di e prinsipio basiko di un Full Measure of Self-government. Kemen Statut manera nos konose ta ilegal.

 

Sra Lodesca Livingstone a duna un relato amplio di nan lucha pa, meskos ku e lucha di islanan di x Antia pa hana rekonosementu di nan derechi di outodeterminashon.

 

Sr Jose Lopez di Puerto Rico a duna nan historia di lucha pa indpendensia I asina sali for di opreshon i kontrol di Merka.

 

Sr Charles Woodley di Sint Eustatius, den su desertashon a habri wowo di e publiko presente ora el a presenta e similaridat di e manera ku Hitler a domina I kontrola e paisnan Europeo durante segundo guera mundial I loke Hulanda a I ketubai ta hasiendo ku islanan BES i sobra islanan di x Antia.

 

Sr Carlyle Corbin, eksperto Nashonan Uni, e orado prinsipal a ekpresa elokuentemente ku mester ta inteshon pa krea un resistensia permanente “manera leonan” pa nos nashonan obtene e berdadero outodeterminashon konsistente ku e Karta di Nashonan Uni. Pa realisa esaki pueblo ta rekeri pa buska e informashon korekto ku por laga nan komprende kla dikon nos mester pusha e podernan imperial pa kumpli ku deseo di komunidat internashonal ekspresa na 1945. E emperionan aki lo sigui eksplota nos si nos no forsa nan pa stop.

 

Ta inaseptabel ku den 2018 ta pusibel ku paisnan miembro di NU, manera Hulanda,  ku pa kolmo tin presidensia den Konseho di Seguridat di NU por trata su sosionan den Reino di tal forma.

Nos di NKBB ke gradisi pueblo di Boneiru pa su aporte den e lucha sagrado pa libertat I igualdat.         Nos ta priminti ku nos lo no stop te ora nos Hanja Boneiru Bek.

 

James Finies, Nos Ke Boneiru Bek

You may also like

Our Company

Aruba Native News & Trends. Here to bring you the latest news and trends from our happy island.

Newsletter

Subscribe my Newsletter for more news. Let's stay updated!

Laest News

Copyright @2023 – Aruba Native All Right Reserved. Powered by 139 Design Studio