Home » Radio -Ton pa rekauda fondo pa yuda paga pa investigashon pa Nashonan Uni tabata un eksito kompleto

Radio -Ton pa rekauda fondo pa yuda paga pa investigashon pa Nashonan Uni tabata un eksito kompleto

by Admin
0 comment 61 views

 

 

Fin di siman pasa, diabiernes anochi den Parke Wilhelmina, Nos Ke Boneiru Bek a organisa un RadioTon pa rekauda fondo pa yuda paga pa e investigashon di grupo eksperto pa Nashonan Uni pa e proseso pa reinskribi Bonaire bek riba lista di Nashonan Uni.

 

Pueblo di Bonaire a responde tremendamente riba yamada pa bini Parke Wihelmina I kontribui ku e kausa. Tantisimo outonan a keda sirkula pa oranan largu I tabata hasi donashon via di busonan di kolekshon na koloboradornan di Nos Ke Boneiru Bek.

 

Delegashonan I lidernan for di Korsou di Kousa Prome I Pueblo Soberano a hasi donashon publikamente I a demonstra ku no tin otro opshon pa nos islanan ruman rekonsilia I I den union lucha huntu  pa un kambio na bienestar di tur e pueblonan Antiano.

 

Tambe diferente otro personanan I lidernan a ekspresa publikamente nan motibu ku nan ta hasi nan donashon I sostene NKBB I e trajekto pa re-inskribi Bonaire bek riba lista di teritorionan-sin-propio-gobernashon di Nashonan Uni.

 

E total di donashon ku keda rekauda inkluyendo promesa durante e eventonan ta U$.4599,25

 

Nos Ke Boneiru Bek ta gradisi pueblo Boneriano pa e sosten I gradisimentu spesial na Sr Aimed Ayubi I radio LiveFM pa a kubri e eventonan aki bibu I direkto for di parke Wilhelmina ku a resulta den eksito rotundo.

 

Pa mas informashon o hasi donashon por tuma kontakto via email: [email protected] o via cellular/whatsapp 782 5664 o 786 4576

 

James Finies, Nos Ke Boneiru Bek

 

You may also like

Our Company

Aruba Native News & Trends. Here to bring you the latest news and trends from our happy island.

Newsletter

Subscribe my Newsletter for more news. Let's stay updated!

Laest News

Copyright @2023 – Aruba Native All Right Reserved. Powered by 139 Design Studio