Home Local Cynthia Devere: Tur dia cooperacion entre kustwacht y demas departamentonan ta birando...

Cynthia Devere: Tur dia cooperacion entre kustwacht y demas departamentonan ta birando mas estrecho

 

ORANJESTAD(AAN): Kustwacht semper ta keda adapta nan mes. Nan a haci mas search riba oranan iregular. Nan ta traha hunto tambe cu nan partnernan manera Cuerpo Policial, Imigracion y Douane. Combinando tur esaki tin mas hende na disposicion pa cuida nos costanan.

Parti di kustwacht ta traha tambe den e area cu ta adhunto na lama. Ta haci patruya riba tera tambe. Tur esey combina ta haci cu e trabao ta bira mas efectivo.

Laso cu demas departamentonan ta estrecho. Segun vocero di kustwacht Cynthia Devere, tur dia e ta birando mas estrecho. Ta intercambia tambe di informacion cu otro. Asina cu por haya un patronchi tambe pa mira ki ora ta kere cu por tin algo ta bay sosode.

Cu e informacion di e partnernan, cu nan propio informacion, combinanan hunto, por saca un plachi.

Por a mira poco dia ey a coy un cargacion di arma y droga, cu si el a drenta tabata un peliger. Devere a splica cu esnan cu ta bin for di Venezuela, ta tur di nan ta ciudadanonan puro. Ta haya hendenan cu ta trafica cos cu ta yega Corsou y/of Aruba, pa asina gana cen y mas cen cu ta posibel. Hopi biaha nan ta bisa cu ora hayanan riba lama, trece nan aden. Kustwacht ta mira e manera cu ta actua cu nan. Mester corda cu ora cu kustwacht bay afo, nan no sa kico nan ta bay topa. Nan no sa ken nan ta bay topa, ni kico tin riba e barcho/boto ey. Nan ta bay riba e sentido cu a mira un contacto, a mira cu e ta biniendo Corsou of Aruba, y ta bay intercepta. Na momento cu yega eynan, kier pa tur hende hisa nan man, pasobra no sa kico tin den e embarcacion. Asina tin cu trata e personanan na e momento ey.

Una bes cu sa mas miho cu e hendenan aki a bin pa busca trabao of algo asina, nan no tin nada cu nan, ta trata nan mescos cu otro ser humano cu ta trata. Si ta mira naturalmente cu nan tin droga of cu nan tin arma abordo, e ora eynan e ta bira totalmente otro.

Na e momento ey si bo ta papiando di hende cu bo por cualifica como sospechoso di algo ilegal y tin cu trat’e asina.

Mayoria di cosnan ilicito ta bin via lama. Devere a splica cu e hendenan aki ta keda purba. Tin biaha ta haya lotenan grandi. Tin biaha ta haya cosnan mas chikito. Pero nan ta sigui bin, nan ta sigui purba.

Personal di kustwacht

Kustwacht semper ta amplia flota. Segun Devere, den e manera cu kustwacht ta funciona, nan ta haya un contral di cinco aña. Awor aki ta papiando di amplia di cinco pa shete aña, incorporando e dos añanan tambe cu e personal ta haci su opleiding. Na momento cu mira potencial hopi grandi, nan por haya un extension pa mas largo.

Naturalmente tambe, trahando riba e botonan, tin un momento cu mester stop, pasobra e curpa no lo por cun’e mas. Kustwacht ta keda genera hendenan nobo. Ta asina cu nan kier amplia e cantidad tambe cu asina ora un ploeg bay afo, sa cu ta cinco of seis hende ta bay afo.

Nan no ta manda tres of cuater hende. No ta suficiente. Ta pesey ta mira en berdad awe, cu klas di e aña aki, cu a cuminsa, a caba cu nan tempo di Bivak. Awor nan ta bay cuminsa echt cu e estudio. Otro aña ta e idea cu kier cuminsa cu dos klas, pa tambe verspreidnan riba tur e islanan.

Preparacion

Awor aki e preparacion ta dos aña. Nan ta haya un MBO Diploma ora cu nan caba. E ta un opleiding combina cu polis. Tur di nan ta haya tambe e opleiding di polis, basispolitie, y na final e ora ey e escogo ta wordo haci pa of polis, of pa kustwacht.

Ora nan bin na kustwacht, nan ta haya vaknan extra cu ta sec cosnan cu mester sa pa por funciona den kustwacht.

No ta tur personal ta di Corsou. Nan ta di Aruba tambe, di St. Maarten, tin tambe for di Boneiro, cu a aplica pa e opleiding.

Steunpunt

Tin un steunpunt chikito na Boneiro. Kustwacht tin hende cu cada dos siman nan ta rouleer. Despues un otro ploeg ta bay atrobe dos siman Boneiro. Eynan e cooperacion ta mas estrecho ainda cu polis, marechaussee, cu Douane, cu imigracion. Asina cu ta forma toch un grupo cu por haci e trabao eynan.

Dolor di Cabes

Compara cu Corsou, tin menos dolor di cabes na Boneiro. Corsou y Aruba ta caminda cu e personal ta bin tambe. Tin cu tin famia y conoci na Corsou y Aruba y ta bay eynan mas facil, compara cu Boneiro, segun Devere.