Home Police Cuerpo Policial Aruba ta Informa: Turista cu a guli hopi awa a...

Cuerpo Policial Aruba ta Informa: Turista cu a guli hopi awa a fayece

Oranjestad – Aruba
Manera nos a trece caba dilanti, cu den oranan trempan di merdia polis y ambulance a bay altura di Playa Linda, caminda un turista lo a haye den problema ora ela bay landa.

Den oranan di atardi cuerpo policial ta informa cu ela fayece.

“Awe diamars media pa 12:08 central di polis ta wordo notifica door di personal di strand politie cu un turista lo a haya problema den lama banda di Playa Linda.  Central ta manda ambulance na e sitio di e sucedido di biaha. Eynan e personal di ambulance ta stabilisa e turista masculino y ta hibe cu urgencia pa hospital. Pero lamentablemente pa 13:07 dr Vulto ta constata morto di e turista A.T. naci na Italia dia 20 april 1962. Slachtofferhulp a presenta na hospital pa asina juda e famia den e momento dificil aki .
Na prome instante a pensa cu e turista lo a haya problema den lama pero a bin resulta cu e la bira malo ora e la caba di landa . Na e canto di lama e lo mester a sak  den otro.  Causa di e morto ta atake di curason.
Nos di cuerpo policial ta manda palabra di condolencia na famia di e fayecido”.