Kustwacht tin e Metalsharknan den uso na Corsou. Segun Cynthia Devere, Hoofd Rechtshandhaving y tambe vocero di Kustwacht, a splica cu esunnan di Aruba lo bin den luna di December, cual ta segun e planificacion.
E Metalsharknan mes a resulta bon. Naturalmente tin algun cos cu tin cu ahusta y a ahusta esakinan caba prome cu esunnan di Aruba yega.
Aruba lo haya su Metalsharknan cu e ahustenan cu a wordo haci na Corsou.
Reaccion di personal
E Metalsharknan ta embarcacionnan hopi lihe. Riba e Metalsharknan tin radar. E ta mas facil pa e personal detecta cosnan anochi laat. Tin varios cos riba e Metalsharknan, cual Devere no por a menciona tur, cu ta haci e trabao hopi mas eficiente.
Nan ta den un cabina awor aki, nan no ta exponi na e elementonan tur dia di lama cu awa y tambe ora awasero cay. E ta hopi mas agradabel core den dje.
Ahuste
Tin cosnan cu mester a ahusta, manera un aparato cu no ta funciona optimalmente pa e clima y nos awanan. Tin algun cos tambe di e stoelnan pa e veerkracht. E stoelnan actualmente a wordo traha di un manera cu nan no ta haya hopi daño na lomb y pia, y asina por funciona mas largo tambe como un kustwachter riba awa.
Staciona
Na Aruba nos ta usa SuperRhib , cual tin un parkeergarage. E botenlift, unda cu nan ta para, mester a wordo ahusta. E forma di e Metalshark ta diferente. E Super RHIBnan tabata grandi. E embarcacion aki ta mas largo y mester a pone pidanan acerca. E Metalsharknan lo ta totalmente cubri for di solo.
Kustwacht satisfecho
Te awor kustwacht ta resultado cu e Metalsharknan. A haci prueba cu e botonan na cuminsamento. A haci prueba tambe na Merca unda cu a cumpra e Metalsharknan. Segun Devere, cuadra nan no ta cuadra 100% cu nos awanan, mirando cu a haci’e riba un lama manera esun di nos.
Loke cu a pidi, tabata loke kustwacht tabata kier y por a afford y cu ta mas miho cu loke kustwacht tabata tin.