Home Politics Comunidad a bishita cas di Bernadina Growell-Kock

Comunidad a bishita cas di Bernadina Growell-Kock

Señora Mervin Wyatt Ras a expresa cu Bernadina Growell ta nifica hopi pa nan

ARUBA: Fundacion Bernadina Growell-Kock a habri cas di e mama di cultura pa un dia, pa tur hende por a haci un bishita pa aprecia diferente ar cu e tin den e cas. Aki tur hende por a mira hopi potret di Bernadina Grovell y di su famia, pero tambe trofeonan, reconocimentonan, mueblenan, insturmento y vestuario. E fundacion kier a mustra comunidad di Aruba cu tin biaha tin hende ta biba riba e pais y traha, pero tin biaha ta lubida esaki ora cu no t’ey mas.
Bernadina Growell-Kock a contribui en grande cu e cultura di Aruba y folklore, e fundacion kende ta amigonan di dje, a lanta pa conserva tur esakinan.
Presidente di Fundacion Bernadina Growell-Kock, drs. Mervin Wyatt-Ras, a expresa cu Bernadina Growell ta nifica hopi pa nan, pasobra e ta un di e prome hendenan muhe cu a lanta un trio di hende muhe “Las Campiradas” y ainda ta scucha nan canticanan na radio. Tambe el a lanta prome aginaldo, composita canticanan pa Tumba di festival y tambe ta e prome hende muhe cu a gana cu su composicion hunto cu su esposo Cecil Growell.

E ta un hende cu a lanta gruponan di baile na Brazil, tabata e prome hende cu a orgganisa e pome festival grandi den bario di Brazil. Sinembargo e no a keda un hende di e bario di Brazil, pasobra tur esunnnan cu a bishita e cas di Bernadina Growell-Kock ta di otro caminda. Semper el a bay tur caminda pa duna presentacion y no tabata nenga di haci esaki. E tabata un persona cu a bay den exterior representando Aruba. Na diferente ocasion el a bay Corsou y Boneiro of Hulanda pa representa su pais y semper e tabata carga su bandera. Mama di cultura semper a respeta su idioma Papiamento, pasobra su canticanan humoristico y tin cosnan di cultura cu tin biaha awendia nan no t’ey mas.

Parlamentario Wyatt-Ras ta kere cu ta di importante cu un cantidad di no solamente hende grandi, pero hopi mucha y hobennan a bin mira esaki. Loke tabata asombroso ta cu tur tabata interesa den un otro aspecto di cas, unda algun tabata interesa den trofeonan, pañanan of disconan. Den nomber di Fundacion Bernadina Growell-Kock, el a gradici e famia pa duna e chens pa ta eynan compartiendo cu pueblo kico esaki ta nifica p’e fundacion. Tambe na Centro di Bario Brazil, Fundacion Pro Cultura di Aruba, Departamento di Cultura y hopi mas pa nan aporte chikito.

Lena Orman-Yarzagaray, kende ta boluntario di e fundacion, a conoce Bernadina Growell y a compañ’e diferente caminda. Un di e cosnan cu e ta corda di mama di cultua ta cu e tabata orguyoso di su canticanan. Lena Orman-Yarzagaray tin diferente recuerdo cu Bernadina Growell y un di e cosnan cu e tin di dje ta cassettenan cu mama di cultura a graba, kende tabata graba su canticanan riba cassette.

Mama di cultura mes a cuminsa skirbi su propio biografia, pero no a termina cu esaki. Lena Orman-Yarzagaray a expresa cu nan mes ta trahando riba e biografia cual pronto lo bin riba e mercado, contando storaianan di Bernadina Growell. Un di e canticanan di Bernadina Growell, esta un calipso tipico “Pa bo” cu ta yena di dicho y proverbionan. Tambe el a traha un cantica riba con antes tabata celebra Semana Santa y casamento, pero tambe Pasco y Aña Nobo y hopi mas.