Siman pasa Parlamentario Endy Croes a trece dilanti cu prueba con Hulanda a viola e Ley di LAFT cu e nombramento di e politico Henk Kamp den CAFT. Parlamentario Croes a splica esaki como cu artikel 4 lid d ta para claramente cu un persona cu a yega di aparece riba un lista politico NO por wordo nombra den CAFT. A pesar di esaki a keda claramente mustra con Hulanda ta trapa riba nos leynan sin ningun clase di respet. Esaki ta inaceptabel. Henk Kamp ta un politico bakia cu a aparece diferente biaha riba lista politico di VVD. Dentro di poco e Ley di LAFT cual ley constitucional tambe tin su deficiencianan cune mester yega Parlamento. Parlamentario Endy Croes ta puntra su mes ta con nos mester deal cu e asunto aki? Ta mescos bo ta pasa un ley cu ora bo pasa den luz cora bo ta comete un infraccion contra nos leynan y Polis lo duna bo un boet. Awor por deduci cu un Hulandes pasa den luz cora Polis no mag di boet e. Asina mester interpreta e abuso aki. Esaki ta impugna integridad cual e gobernacion aki ta para pe. Anto net Henk Kamp, “ilegal” den CAFT tin e pudor di skirbi conseho alrespecto presupuesto derde kwartaal rapportage di gobierno. Endy Croes ta trece esaki dilanti pasobra e ta di opinion cu nos mester trata otro cu respet y respeta nos leynan. Si Hulanda ta trapa riba ley di e forma aki ta kico mas por wordo spera. Pues un persona manera Henk Kamp cu tabata riba lista politico y tin un trayectoria hopi largo den politica y a sirbi Hulanda pa hopi aña como Minister mester ta consciente y acepta cu locual e ta haciendo no ta cuadra y ta impugna cu e Ley di LAFT cual ta papia hopi cla. Croes ta termina puntrando Henk Kamp con e mes ta midi esaki den terminologia Hulandes di acuerdo cu Redelijkheid y Billijkheid pa locual e ta haciendo?