Adriaan Lacle Boulevard/Beatrixstraat, Oranjestad: Diabierna den oranan laat di anochi ta sosode un accidente cu hende herida na e crusada di Adriaan Lacle Boulevard cu Beatrixstraat, mesora a manda polis na e sitio.
Na yegada nan a bin compronde cu un Toyota Corolla biniendo for di Beatrixstraat, a subi Adriaan Lacle Boulevard sin a duna preferencia na un Mitsubishi ASX cu tabata riba Adriaan Lacle, e dama manehando e Mitsubishi no por a haci nada pa evita e accidente y a dal e Toyota Corolla.
E impacto tabata hopi fuerte cu e airbag di e Mitsubishi a sali y esaki a herida e dama chauffeur di e Mitsubishi ASX. Polis na e sitio a pidi pa presencia di ambulance pa atende cu e chauffeur di e Mitsubishi. Ambos auto a haya basta daño materiaal.
