Home » Muhe bou influencia a bula dilanti un auto, cu posibel intencion di pone fin na su bida

Muhe bou influencia a bula dilanti un auto, cu posibel intencion di pone fin na su bida

by Admin
0 comment 53 views

L.G. Smith Boulevard – Diabierna mainta pa mas o menos 6’or polis ta bay cu urgencia ariba Sasaki, poco prome cu yega e luznan di trafico di Palm Beach.Informacion haya tawata indica cu un accidente serio a sosode.

Na yegada di patruya nan ta haya Paramediconan bezig cu un dama benta ariba caminda, cu heridanan na brasa y cabes.
A resulta cu e muhe aki tawata bou influencia, probablemente lo kier a pone fin na su bida door di bula dilanti un auto.

Na e sitio casa di e dama a conta cu un rato prome ya ela trata na bula dilanti un otro auto, pero e auto lo a desvia pe y no a dal e.
E chauffeur di e Toyota Yaris no por a haci mucho y e si ta dal e muhe. Door di e impacto manera nos a bisa caba e muhe a haya sla na brasa y tambe cabes, por mira con e windshield tawata kibra indicando un golpi basta duro.

Ta trata di un dama di 36 aña cu lo tin basta problema cu alcohol y segun informacion ainda e no por haya e ayudo necesario.

Un rato prome ela bula dilanti un truck, pero danki Dios cu e chauffeur sea a slow down of a maniobra evitando algo horibel.

Paramediconan a hiba e dama hospital, mientras chauffeur di e Yaris si a pasa den un susto grandi y tambe cu un auto kibra.

 

You may also like

Our Company

Aruba Native News & Trends. Here to bring you the latest news and trends from our happy island.

Newsletter

Subscribe my Newsletter for more news. Let's stay updated!

Laest News

Copyright @2023 – Aruba Native All Right Reserved. Powered by 139 Design Studio