Home » Minister Lampe a bishita Biblioteca Nacional Aruba pa ‘Hour of Code’: E PROYECTONAN AKI TA YUDA NOS ENSEÑANSA PA E ERA DIGITAL CU TA NA CAMINDA

Minister Lampe a bishita Biblioteca Nacional Aruba pa ‘Hour of Code’: E PROYECTONAN AKI TA YUDA NOS ENSEÑANSA PA E ERA DIGITAL CU TA NA CAMINDA

by Admin
0 comment 68 views

 

 

 

 

 

Diaranson 5 december Minister dr. Armando Rudy Lampe a bishita Biblioteca Nacional Aruba na unda Mon Plaisir Basisschool Klas 4ª cu 24 alumno, tabata activo cu e proyecto “Hour of Code”. Mas o menos 150 alumno a participa na Biblioteca e aña aki, 6 klas di bovenbouw di Mon Plaisir, edadnan di 8 pa 12 aña.

 

Representando Biblioteca Nacional Aruba tabata presente Peter Scholing, Francisco Geerman y Lilian Semeleer como director suplente di Biblioteca Nacional Aruba.

Tambe tabatin boluntarionan for di partners den Hour of Code di Gobierno mes, tres representante di Futura cu ta e team di innovacion di Minister President Evelin Wever-Croes.

 

Minister Lampe a yuda e proyecto dor di percura cu na october caba por tin aprobacion adelanta pa scolnan cu kier a participa, dor cu un cambio di rooster pa un evento asina semper tin cu pasa algun paso administrativo den gobierno y/of na schoolbestuur, claro na departamento Inspecion di Enseñansa, mayornan y mas cu claro e docentenan di scolnan participando.

 

Pa cu e proyecto di “Code of Hour” mes tin na henter Aruba mas o menos 2000 alumno activo e siman aki, di 6 aña bay ariba.

 

Por a tuma nota cu e weganan favorito cu e muchanan tabata Minecraft, Dance Party y Flappy Bird. Na final Minister a agradeci tur esnan cu a aporta y a informa tur mucha (y adulto) cu lo por sigui siña code na cas via. http://code.org/learn.

 

Den e siman aki ainda tin scolnan activo ainda y sigur Minister Lampe lo sigui apoya proyectonan asina, cu ta yuda nos enseñansa sigui prepara su mes pa cu e era digital cu ta na caminda.

 

 

You may also like

Our Company

Aruba Native News & Trends. Here to bring you the latest news and trends from our happy island.

Newsletter

Subscribe my Newsletter for more news. Let's stay updated!

Laest News

Copyright @2023 – Aruba Native All Right Reserved. Powered by 139 Design Studio