Home » Ekipa pa cualker eventualidad E COMANDO MOBIL LO TA E WOWO NA E SITIO DI INCIDENTE

Ekipa pa cualker eventualidad E COMANDO MOBIL LO TA E WOWO NA E SITIO DI INCIDENTE

by Admin
0 comment 56 views

 

 

 

 

MACUARIMA, ARUBA: Cu e Comando mobil aki nos lo ta mas mobil ariba caya. Sr. Adrick Croes Hoofdinspecteur ta elabora. Nos meldkamer awor por ta movibel y pa asina por tin control y maneha esaki na e sitio di incidente mes. E ta facilita tambe otro departamentonan di emergencia pa por sinta hunto y dirigi e unidadnan na e sitio di incidente. Cu e Comando Mobil aki e ta facilta cu e trabou di maneho, eficencia y organisacion na e sitio lo ta mucho mas miho coordina. Si un calamidad mester pasa na Aruba y tur e wardanan no ta accesibel y e comunicacion mester bai plat, e unidad mobil aki lo bai den accion y por yega na tur skina di Aruba. Elo bira manera un warda di polis mobil pa asina mantene y tin wowo riba e seguridad nacional di pais Aruba.

 

Comando Mobil cu Aruba a haya a wordo fabrica na merca pa e compania MBF Industries Inc. .E Comando Mobil aki ta e prome pa yega den caribe den e forma special aki y e prome pa wordo usa den nos region. E ta specialisa pa ta uno policial y traha special pa Aruba cu por wordo usa den nos clima. E preparacion di Comando Mobil ta bin ta encamina despues di algun tempo pa asina por prepara y traha un Comando Mobil na e necesidad di Cuerpo Policial Aruba. E ta asina moderno cu e por ricibi y manda signaal, comunica cu diferente departamento di emergencia y e ta mobil rond di e isla. E compania MBF Industries Inc ta sumamente agradeci cu a escohe a nan pa por brinda un unidad mobil cu tecnologia avansa pa un organisacion policial y ta mas sorprendi e caluroso bon bini cu e compania a haya na Aruba. Sr.John Lambert a bin Aruba hunto cu e Comando Mobil pa asina train e agentenan cu lo haci uso di dje y demonstra tambe con e Comando Mobil ta funciona.

 

Cu esfuerso y bon colaboracion di Aruba Hospitality & Security Foundation nos ta ricibi e adkisicion nobo aki. Aruba por ta orguyoso di por tin e prome Comando Mobil den region.

 

You may also like

Our Company

Aruba Native News & Trends. Here to bring you the latest news and trends from our happy island.

Newsletter

Subscribe my Newsletter for more news. Let's stay updated!

Laest News

Copyright @2023 – Aruba Native All Right Reserved. Powered by 139 Design Studio