Home Politics MEP NA AVP: Diferencia entre dos lider

MEP NA AVP: Diferencia entre dos lider

LIDER DI MEP A DEMOSTRA CURASHI PA BAHA BELASTING PA TUR HENDE,  LIDER DI AVP TA FALSIFICA TABEL Y INFORMACION

STA. CRUZ – Partido MEP a tuma nota cu lider di partido AVP a bolbe purba lanta cabes, y awo kier demonisa e reforma fiscal di gobierno di Aruba.

Mike Eman no ta siña su les? Poco tempo pasa, el a sali na grandi cu graficonan den su man cu el’a falsifica di Banco Central. Ora hasta Banco Central a sali y denuncia e mentira, Mike Eman a bay sconde bek den su penthouse, tur cu berguensa cu su farsa a wordo descubri.

Awor el’a bolbe sali di su penthouse ta grita cu reforma fiscal ta un pakete di medida. Otro mentira mas di Mike Eman.

30 mil hende no ta bay paga e belasting mas, 25 mil hende ta bay paga menos belasting. Con esaki por ta medida?

Mike Eman a goberna Aruba pa 8 aña, y ningun momento so el a baha e tarifa di belasting pa nos hendenan, clase trahador ni clase media. Mike Eman a hera caba cu clase media, sutando nan cu tur sorto di belasting.

Una bes mentiroso, semper mentiroso. Una bes falsificador, semper falsificador.

 

Awor cu tin un Prome Minister cu curashi cu si ta pensa riba e clase trahador y e clase media, awor Mike Eman kier lansa mentira y falsifica document.

Mike Eman “huilen is voor jouw te laat”, sinta trankil den bo penthouse y sinti e cambio.

 

Awor nos pais ta wordo goberna pa un hende muher cu curashi y cu curason pa nos pueblo. Sinta keto y lag’e goberna. Den un aña el’a haci hopi mas cu abo tabata tin e curashi di haci den 8 aña.