Ladronnan a horta masha hopi producto for di trucknan di Interpan, tambe a bay cu 1 truck

Caya Ritmo – Diamars mainta informacion a drenta di kiebro y ladronicia na Interpan, sitia den Caya Ritmo.

Na yegada di polis a resulta cu ladronnan a forsa e porta di e truck di carga. Esaki lo a sosode durante oranan di marduga.

Manera cu nan a logra habri e porta nan a horta varios caha di Dog Food. Un otro truck tambe a wordo kibra, esaki lo tawata carga y cla pa delivery.
Pero esaki nan a bay cune completo, esta e truck.

Ta trata di un Hyundai DT- 873 cu nomber di e Garage Central ariba dje.
Pues e truck aki ta un caminda scondi ariba Aruba.