Guarda Costa ta intercepta boto cu 37 persona indocumenta abordo

Willemstad: Dialuna den careda di 11’or di anochi for di e barco Zr. Ms. Zeeland e boto interceptor Frisc ta wordo lansa cu abordo un team di Guarda Costa, despues cu nan a señala un boto sospechoso pariba di Corsou. Na yegada nan ta bin topa enberdad cu un lancha cu 37 persona indocumenta abordo, entre e personan aki tabata tin un menor di edad tambe.

E Metal Shark di Guarda Costa a yuda e Frisc transporta e personanan aki pa e Steunpunt na Parera. Despues cu Guarda Costa a caba di cu su parti formal, e personanan aki pa mas o menos 3’or y 50 a wordo entrega na hulpofficier di husticia.