Home » Grand Master DC Yu a reuni cu e fanaticonan di Taekwondo na Aruba.

Grand Master DC Yu a reuni cu e fanaticonan di Taekwondo na Aruba.

by Admin
0 comment 57 views
 
Grand Master DC Yu tabata na Aruba y a reuni cu varios Master di Taekwondo na Aruba.
George Vierra a funda Aruba Taekwondo Bond y Grand Master DC Yu tabata esun cu a registra Aruba pa participa den e prome weganan Pan Americano. George Vierra a conoce DC Yu tempo cu e tabata studia na Merca y a scoge Taekwondo pa su deporte. Ora cu George Vierra a bolbe Aruba bek el a habri e prome scol di Taekwondo y asina a cuminsa duna les di Taekwondo na Aruba. 
Despues di un paar di aña George Vierra a pasa e bond over pa asina e por a sigui cu su trabounan cu tabata exigi hopi di dje.
 
Awendia Dr. Guaicaipuro Jimenez ta Presidente di Aruba Taekwondo Bond y e tambe tabata presente na e reunion. Grand Master DC Yu a splica tambe cu Taekwondo kisas a cambia hopi, pero e tradicion si no a cambia. 
Durante e bishita di Grand Master DC Yu training a sigui cu un paar di fanatico, manera George Vierra cu nunca a stop di train Taekwondo. Na final di DC Yu su discurso el a gradici tur hende pa nan presencia.
 
George Vierra a entrega un uniform cu e Bandera di Aruba na Grand Master DC Yu. 
 

You may also like

Our Company

Aruba Native News & Trends. Here to bring you the latest news and trends from our happy island.

Newsletter

Subscribe my Newsletter for more news. Let's stay updated!

Laest News

Copyright @2023 – Aruba Native All Right Reserved. Powered by 139 Design Studio