Home Lifestyle Riu Palace Aruba a batisa uniform nobo di Los Muchachos

Riu Palace Aruba a batisa uniform nobo di Los Muchachos

ORANJESTAD, Aruba: Riu Palace Aruba sa duna nan sosten na algun fundacion y e biaha aki nan a duna sosten na deporte. Riu Palace Aruba a sponsor un team di softball, cual a hunga su prome diabierna anochi. Riu Palace Aruba a sponsor e team cu tin e nomber di Los Muchachos, kendenan a haci nan maximo esfuerso den nan prome wega.

 

Hungadonan tabata contento di por a ricibi nan uniform y a gradici Riu Palace Aruba pa ta nan sponsor. E team di Riu Palace Aruba , Los Muchachos, tabata contento di por a mustra nan uniform nobo pero tambe di por a mustra nan talento riba veld.

 

Diabierna anochi e prome wega pa Los Muchachos tabata contra Aruba Trading, cual wega tabata uno amistoso den Copa Navideño 40+. E team tabata entusiasma durante wega y di e oportunidad cu nan a haya pa hunga softball. Na final di wega, Los Muchachos di Riu Palace Aruba a bay cu e victoria di 17-2 contra di Aruba Trading. Diabierna nan lo hunga nan di dos wega den e campeonato y aki nan lo ta enfrentando  Airpoort Rebels.

 

Riu Palace Aruba ta felicita Los Muchachos pa nan prome victoria y pa hisa e nomber di e hotel. Ta desea nan exito den nan siguiente wega.

 

RIU Hotels & Resorts a habri Riu Palace Aruba na aña 2007. Debi na e gran exito di su prome hotel na Aruba, e compania a dicidi di adkiri un di dos hotel, habriendo Riu Palace Antillas na aña 2014. Hunto e dos hotelnan aki ta maneha mas o menos 25 mil huesped pa luna, cu un nivel di grado di ocupacion mas halto riba nos isla. Entre e dos hotelnan RIU na Aruba, nan ta emplea riba 800 trahado, brindando huespednan e miho nivel di servicio.