Diaranson anochi cuerpo policial a manda un comunicado di e caso di diamars mainta, unda a haya un habitante sin bida den su cas na Madiki Kavel:
“E persona cu a fayece na Madiki Kavel a fayece dor di sla cu ela ricibi. Tabata ayera mainta cu Central di Polis ta haya yamada cu un persona hende homber no ta duna señal di bida. Patruya ta bai na e adres menciona y ambulance tambe ta yega na e sitio. Personal di ambulance no por a haci nada mas pa e persona. Dr. Texier ta constata morto di e persona Orlando A.J. Tromp naci na Aruba dia 26 september 1964. Fiscal a laga tuma e curpa den beslag pa asina por a haci mas investigacion.
Cuerpo Policial Aruba ta haci un yamada na comunidad cu por sa, mira algo pa yama nos tiplijn 11141 y asina por yuda nos resolve e caso lamentabel aki.
Cuerpo Policial Aruba ta manda un palabra di condelencia y hopi forsa na e famia di e fayecido”.